الفٌقَّاعَاتْ جميلة قوي ، وموحية قوي...
مُتْعَةْ فائقة بِتِنْتَاْبْنِيْ لَمَّا بانْفُخ والبتاعة البلاستيك يطلع منها فقاقيع كتير ...
مُتْعَةْ سَادِيَّةْ لحَدٍِ ما ..
شعوري إني بِ " نفخة " مني ، باملا الميه هوا ، وأشوفه وهو بيفرقع ،
ياااااااه ، منتهي النشوة ... !!
صَحيح ..
لو كان في كائنات دقيقة عايشة فوق الفقاقيع دي زمان موقفها مني إيه ؟
أكيد أجزاء الثانية اللي هي عُمر الفقاعة الواحدة تُعْتَبَر عُمر طويل بالنسبة للكائنات دي ....
يا تري زعلانين مني؟
عندهم حَق ْ!
ذنبهم إيه إنهم يعرفوا حياة ، ولو قصيرة ، وبعدين يكتشفوا إنهم ماتوا ، والمصيبة الأكبر لو عرفوا إن كل ده لتحقيق متعتي الشخصية ....
آه ، من حقي أستمتع ، بَس مش علي حساب حياتهم الشخصية ...
...................
بالمُناسبَة ...
أنا كمان مفقوع.
هُففففففففففف !
ليست هناك تعليقات:
إرسال تعليق